17 नवंबर के पाटन विधान सभा के भी मतदान हे,, जानव अपन जोहार छत्तीसगढ पार्टी के प्रत्यासी ला,,,देखो ओखर परिचय

नाम :- मधुकांत साहू पिता :- भूपेंद्र कुमार साहू,माता :- अनिता साहू ग्राम :- गुजरा,तहसील-पाटन, जिला- दुरुग, छत्तीसगढ़, जन्म तिथि :- 01/01/1996, शिक्षा :- PGDCA, स्नातक, इंडस्ट्रियल ट्रेनिंग ऑफ इंस्टीटूट, कंप्यूटर न्यूमेरिकल कंट्रोल्ड (CNC) हैदराबाद,कॉम्पिटिशन EXAMS फाइट,2 साल भिलाई स्टील प्लांट म जॉब, बचपन से ही छत्तीसगढ़ी गाना सुने के आदत रिहिस । छत्तीसगढ़ संस्कृति के तरफ बचपन ले खिंचाव रिहिस, लोगन के सेवा करे के भाव बचपन ले रिहिस ते पाए के 12 वीं कक्षा के बाद सोपान सोसाइटी फ़ॉर पब्लिक एडवांसमेन्ट एंड नारिसमेन्ट दुर्ग के ब्रांच पाटन से जुड़ गेव, अउ लोगन के सेवा करव। दिन दुखी अपाहिज दिव्यांग लइका मनके सेवा करना, वृद्धाश्रम म सियान मनके सेवा करना, हॉस्पिटल म भी निस्वार्थ भाव ले अपन सेवा निरन्तर दे हव। बचपन म फोटोग्राफी फ़िल्म लाइन के भी सौख रहाय 10 वीं क्लास ले ही सादी बिहाव, व छत्तीसगढ़ी डॉक्युमेंट्री फ़िल्म, शार्ट फ़िल्म, टेली फ़िल्म के बुता के संग शूटिंग फोटोग्राफी भी करत रहे हव। फेर 12 वीं के बाद कॉलेज लाइफ म भिलाई जाना होइस, जिन्हा 2015 -16 म छत्तीसगढ़िया क्रान्ति सेना के जबर हरेली रैली चलत रहाय, जे मोर बर एक नवा तिहार अउ छत्तीसगढ़ बर भी एक नवा तिहार बरोबर रहाय। जेला देख के मन गदगद होगे, अउ उही रैली ल देख के प्रभावित होके मोर संगठनात्मक बुता शुरू होइस। काबर की भिलाई म रहत रहत 4 बछर ले परदेसियावाद ल झेले भी हव अउ समझे भी हव, जेकर ले बहुत पीरा होइस अउ छत्तीसगढ़िया क्रान्ति सेना के जोन बुता जोन उद्देश्य रिहिस वोमे निस्वार्थ भाव ले जुड़के हमर तीज तिहार संस्कृति बोली भाखा हमर पुरखा मनके सम्मान हमर छत्तीसगढ़िया मनके ऊपर होवत शोषण ल देख वोकर हक अधिकार के रक्षा खातिर मैदान म उतरे हव। अउ इहि ल गाठ बांध के चले हव की अब छत्तीसगढ़ बर जीना हे छत्तीसगढ़ बर मरना है, 8 साल ले लगातार छत्तीसगढ़िया क्रान्ति सेना संग बुता करत सामाजिक धार्मिक क्षेत्र म घलव बहुत सक्रिय बुता करत आज अलग अलग पदभार भी मोला मिले हवय, जेमा साहू समाज ले युवा प्रकोष्ट तेलीगुड़ा (पाटन) परिक्षेत्र के सचिव के पद के दायित्व म हव, रामायण समिति मोर ग्राम के अध्यक्ष हव, छत्तीसगढ़िया क्रान्ति सेना पाटन ब्लॉक के अध्यक्ष के दायित्व म हव अउ आज संगठन द्वारा मोला विधायक प्रत्यासी के रूप म चुने गेहे जे मोर लिए एक बड़का उपलब्धि हवय अउ मोर समाज बर घलव एक बड़का उपलब्धि हवय की आजतक दुनो राष्ट्रीय पार्टी समाज के संग केवल छलावा करे हे फेर जोहार छत्तीसगढ़ पार्टी जे गैर राजनीतिक संगठन छत्तीसगढ़िया क्रान्ति सेना के राजनीतिक विंग आय जे पूरा जात पात के बेड़ी ल तोड़ के एक युवा चेहरा साहू समाज के लइका ल आघु लाइस जेकर बर हमर संगठन के प्रदेश के मुखिया मनला जोहार हे पयलगी हवय।। जोहार छत्तीसगढ़।।